Zelensky me sytë nga Perëndimi: Bota nuk do ta lejojë Putinin të përdorë armë bërthamore

Merr lajme ekskluzive  

Doni të informoheni të parët për lajme ekskluzive? Bashkohuni me grupin tonë  duke klikuar këtu

Putin tha se rezervistët ushtarakë do të dërgohen në Ukrainë si pjesë e një mobilizimi të pjesshëm të forcave ruse.

Ndër të tjera Putin tha sot se Rusia do të përdorë çdo lloj mjeti për luftën në Ukrainë, duke nënkuptuar këtu edhe përdorimin e armëve bërthamore.

Në lidhje me deklaratën e fundit, presidenti ukrainas, Volodymyr Zelensky tha se është i bindur se bota nuk do ta lejojë presidentin rus të përdorë armë bërthamore.

“Unë nuk besoj se ai (Putini) do t’i përdorë këto armë. Unë nuk mendoj se bota do ta lejojë atë të përdorë këto armë,” tha presidenti  ukrainas për gazetën gjermane Bild.

Ndërkohë kancelari gjerman, Olaf Scholz ka dënuar urdhrin e presidentit rus, Vladimir Putin për të mobilizuar pjesërisht 300 mijë rezervistë për të mbështetur luftën e Rusisë në Ukrainë.

Duke folur para gazetarëve në Asamblenë e Përgjithshme të OKB-së në Nju Jork, Scholz tha se vendimi i fundit është “një akt dëshpërimi”. Scholz tha gjithashtu se Gjermania nuk do të pranojë “referendumet e rreme” të cilat janë planifikuar më vonë këtë javë në pjesë të Ukrainës të pushtuara aktualisht nga Rusia.